HStAOrient5a: 66r

Bā‑ḫuṣūṣ ẓulmden murād bu maḥallde mevżıʿda küfrdür. Zīrā sūre-i // mekkīyedür ve ehl‑i Mekkenüñ ẓulmi küfrdür. Cevāb: Rivāyet olınur ki // bu suʾāli bi‑ʿaynihī Muqātil bin Ḥayyān bir merd‑i faqīhe īrād ėtdi ki // ikisi bir pādişāh meclisinde ḥāżır idiler. Ġaraż ol meclisde faqīhe // taṣaddur ėtmek idi. Faqīh cevābdan ʿāciz olıcaq Melik Muqātile // muqābelede sen ḥall‑i müşkil qıl dėyüb Muqātil daḫı cevābda dėmiş // ki maġfiretden murād bu maḥallde yarlıġanmaq degüldür belki terk‑i ʿuqūbetdür. // Nite‑kim Allāhu taʿālā buyurur: Wa‑law yuʾāḫiḏu llāhu n‑nāsa bi‑ẓulmihim mā taraka ʿalayhā min dābbatin wa‑lākin yuʾaḫḫiruhum ilā aǧalin musamman. El‑āyet. Ammā ẓulm küfr // maʿnāsına olıcaq infikāk olmaz zīrā müʾmin īmānı ḥasebi ile // istiḥqāq‑i maġrifetden sāqıṭ olmaz.

Li‑münşiʾihi qıṭʿa: [remel: – v – – / – v – – / – v – – / – v –]

Düşde gördüm // cümle maḥv olmış vücūd‑i mā‑sivā
Bir muʿabbir bulmadum bu ḫᵛābı taʿbīr eyleye //
Āyet‑i ʿışquñ cihān heb lafẓını ezberlemiş
Bir müfessir bulmadum ammā // ki tefsīr eyleye

[ʿİlm‑i taṣavvuf]

ʿİlm‑i taṣavvuf. Taʿrīf: Bir ʿilmdür ki rūḥuñ maʿrifet‑i // mübdiʿine keyfīyet‑i sülūkından baḥs̱ ėder riyāżet ve mücāhedāt // ile. Pes maʿlūm oldı‑ki ʿilm‑i taṣavvuf ṣafvet‑i ʿulūm ve ḥilye-i // ʿulemāʾ‑i rüsūmdur ki ʿilm‑i ẓāhir ʿilm‑i bāṭınsız mükemmel ve ʿilm‑i rüsūm ʿilm‑i // ḥaqīqatsiz muʿavvel olmaz. ʿİlm‑i ẓāhirden murād tedbīr‑i meʿāş ve tekmīl‑i // muʿāmelāt‑i nāsdur. ʿİlm‑i bāṭından [murād‑i] maqṣūd taṣfiye-i dildür ṣıfāt‑i